Í upphafi ársins var ágæt staða í miðlunum fyrirtækisins. Vorleysingar voru hins vegar dræmar og heildarinnrennsli talsvert undir væntingum fram eftir sumri.
Segment
Mjög hagstæð tíð í september breytti hins vegar slæmum horfum í góðar og þótt vatnsárið, sem er frá 1. október til 30. september, hafi í heild sinni verið þurrt varð heildarfylling miðlana um 92% í lok þess, en hafði aðeins verið um 70% í byrjun september.
Segment
Section
Segment
Hlýr septembermánuður
Septembermánuður var mjög hlýr á öllu landinu og landsmeðalhiti var yfir meðallagi síðustu 10 ára. Hlýindi fyrri hluta mánaðarins höfðu mikil áhrif á innrennsli til miðlana og tók jökulleysing vel við sér. Þann 13. september mældist t.d. hæsta dagsmeðaltal innrennslis til Hálslóns í 620 m3/s, en það er mesta innrennsli sem mælst hefur í september frá því miðlunin var tekin í notkun.
Samkvæmt samningum við viðskiptavini sem kaupa skerðanlega orku er Landsvirkjun heimilt að takmarka afhendingu á rafmagni í slöku vatnsári. Þetta gefur okkur kost á því að stunda hagkvæma raforkuöflun.
Section
Segment
Takmörkun dregin til baka
Þann 1. september var viðskiptavinum með sveigjanlega samninga tilkynnt um að hugsanlega þyrfti að takmarka afhendingu, en í byrjun október var boðuð takmörkun dregin til baka.
